"ПСЖ" клубининг испаниялик ҳимоячиси Серхио Рамоснинг рафиқаси Пилар Рубио футболчининг Париж клубидаги келажаги ҳақида ҳеч нарса билмаслигини айтди. Шунингдек, эрининг трансферлари ҳақида энг охирида билишини афсус билан таъкидлади.
"Биз Парижда қоламизми ёки Испанияга қайтамизми, билмайман. Энг ёмони шундаки, мен буларнинг барчаси ҳақида охирги бўлиб биламан", — деди Рубио RMC Sport билан суҳбатда.
37 ёшли Рамос 2021 йилдан бери "ПСЖ"да ўйнаб келмоқда. Ҳимоячи жорий мавсум парижликлар сафида барча турнирлар доирасида 39 та ўйинда майдонга тушиб, 3 та гол ва битта голли узатмага муаллифлик қилган. Рамоснинг "ПСЖ" билан шартномаси шу йилнинг июнь ойи охирида якунига етади. Аввалроқ футболчи Испаниянинг “Реал” ва “Севилья” жамоаларида ўйнаган.
