"Барселона" ярим ҳимоячиси Франк Кессиэ ёзда жамоани тарк этади, деб хабар беради Diario Sport.
Аввалроқ, ўтган ёзда "Барселона"га келган Кессиэ ва Андреас Кристенсен жамоадаги маошини камайтиришдан бош тортгани ҳақида хабар берилганди. Манбага кўра, бу клубда ўйнашда давом этадиган данияликнинг истиқболига таъсир қилмайди, аммо каталонияликлар Кессиэ билан хайрлашишга тайёр.
Кот-дИвуарлик футболчи жорий мавсумда барча турнирларда 38 та ўйинда майдонга тушиб, 3 та гол урди ва 3 та голли узатмани амалга оширди.
