"Барселона" бош мураббийи Хави Усмон Дембеленинг жамоага қайтиши ҳақида гапирди.

Жароҳати туфайли 3 ой майдонга туша олмаган 25 ёшли француз 29 апрель куни "Реал Бетис"га қарши ўйинда иштирок этиши мумкин.

“Биз Усмонни соғиндик. Бирга-бир вазиятда у энг зўри. Дунёда унга ўхшаш одамлар кам. Ла Лиганинг қанот ҳимоячиларидан уларнинг севимлилари кимлигини сўранг. Дембеле - ақл бовар қилмайдиган тезликка эга, қандай қилиб рақибларидан қочиб кетишни биладиган футболчи. Бизга шундай футболчи етишмаётгани мантиқан тўғри. Дембеле олган жароҳати тикланиш қийин бўлган соҳада эди. Аммо ҳозир у яхши ва бахтли. Кўрамиз, у бошланғичда ёки захира ўйинчиси бўлиб майдонга тушади, аммо унинг қайтиши биз учун жуда муҳим янгилик", - деди Хави.

Дембеле жорий мавсумда “Барселона” сафида 28 та ўйинда майдонга тушиб, 8 та гол урди ва 7 та голли узатмани амалга оширди.