"Барселона" ҳужумчиси Ферран Торреснинг фикрича, "ПСЖ" ҳужумчиси Лионель Месси каталонияликлар сафига қайтиши керак.
"Ҳақиқатан ҳам, Леонинг қайтиши мумкинлиги ҳақида миш-мишлар юрибди. Мен унинг яна "Барселона"да ўйнашини ва ўзи кўп нарса берган клуб билан муносиб даражада хайрлашишини истардим", - дея Торреснинг сўзларини келтиради Movistar Plus.
35 ёшли Месси 2000 йилдан 2021 йилгача "Барселона" таркибида ўйнаган. Сўнг эркин агент мақомида "ПСЖ"га ўтган.













