"Барселона" бош мураббийи Хави Эрнандес тез орада клуб билан янги шартнома имзолайди.

Музокараларни мутахассиснинг ўзи ҳам тасдиқлади ва клуб президенти Жоан Лапорта мураббий билан шартномани узайтиришдан манфаатдор экани ҳақида бир неча бор маълум қилди. Журналист Решад Раҳманнинг Фабрицио Романога таяниб хабар беришича, “Барселона” Ла Лига чемпионлигини қўлга киритганида Хави шартномани узайтиради. Амалдаги шартнома 2024 йилда тугайди.

Ла Лига тугашига етти тур қолганда “кўк анорранглилар” иккинчи ўриндаги “Реал”дан 11 очко олдинда. Шанба куни каталонияликлар ўз майдонида "Реал Бетис"га қарши баҳс олиб боради.