«Манчестер Юнайтед»нинг сотилиши билан боғлиқ вазият яқин вақт ичида ҳал қилиниши керак: бир неча босқичдан иборат бўлган жараённинг финали шу жума оқшомига белгиланган. Таъкидланишича, соат 22:00 дан кейин бошқа аризалар ва таҳрирлар қабул қилинмайди ва Глейзерлар оиласи ўз қарорини кейинги ҳафтада эълон қилиш учун барча қабул қилинган таклифларни баҳолай бошлайди.
Клуб учун ҳали иккита ҳақиқий даъвогар бор, воқеалар ривожланиши учун бир нечта сценарийлар мавжуд. Лекин, аввало, сотув пайтида нима бўлгани ва «Юнайтед» учун ким курашаётганини қисқача эслайлик.
Ноябрь ойида Глейзерлар оиласи клубни янада ривожлантириш учун инвесторларни жалб қилишдан тортиб «Юнайтед» активларини тўлиқ сотишгача бўлган «стратегик вариантлар»ни кўриб чиқишларини эълон қилди. Танлов жараёнини инглиз клублари учун инвестор топиш тажрибасига эга бўлган Rain Group инвестиция банки ўз зиммасига олди: ўтган баҳорда Америка компанияси «Челси»га янги хўжайин қидираётган эди. Инвестицион банк клуб учун 6 миллиард фунт стерлингдан 7 миллиард фунт стерлинггача нарх белгилаб қўйди, аммо экспертлар «Манчестер Юнайтед»га 4 миллиард фунт стерлингдан ортиқ пул келмаслигини айтишди. Айнан бизнесмен Жим Рэтклифф гигант спорт активларига эга бўла туриб, клубни сотиб олиш истагини биринчи бўлиб эълон қилди. Иккинчи номзод Қатар собиқ бош вазирининг ўғли, Қатар Ислом банки (ҚИБ) раиси, Қатар шайхи Жассим бин Ҳамад Ал Тани бўлди. Американинг Elliott Management хедж фонди иккинчи босқичга қўшилди: улар ҳар қандай манфаатдор томонларга, шу жумладан Глейзерларнинг ўзларига ҳам кредит беришга тайёр эканликларини айтишди.
Bloomberg маълумотларига кўра, Rain Group яқинда савдо иштирокчиларига хатлар жўнатиб, даромад манбалари тўғрисидаги ҳисоботларни, шунингдек, ҳар қандай қарзлар бўйича маълумотларни тақдим этишни талаб қилган.
Вариантлар қандай? Биринчиси, 100% акцияларни сотиш
Бу Қатар шайхининг таклифи - у клубнинг 100% акцияларини 4,5 миллиард фунт стерлингга (~ 5,3 миллиард доллар) сотиб олмоқчи, шу билан бирга «Олд Траффорд» ва машғулотлар майдончасини реконструкция қилишга сармоя киритишга ваъда берди. Клубнинг соф қарзи 535,7 миллион фунтни ташкил қилади. Жассим 5 миллиард фунт стерлингдан кўпроқ беришга тайёр эмас, чунки бюджетга боғлиқ барча босимлар акцияларнинг қийматидан ташқари сезиларли миқдорга айланади. Бундан ташқари, Жассим акцияларнинг фақат бир қисмини сотиб олишга тайёр эмас - у клубнинг тўлиқ эгаси бўлиш учун 100% улушни хоҳлайди.
Иккинчи вариант - акцияларнинг асосий қисмини сотиш, аммо Глейзерларнинг таъсирини сақлаб қолиш!
Аввалига Рэтклифф Глейзерларнинг 69% улушини 4,3 миллиард фунт стерлингга (~ 5,1 миллиард доллар) сотиб олишни истагани ҳақида хабар берилган эди. Бироқ, кейинчалик британиялик миллиардернинг катта ташаббус билан чиққани барчани шошириб қўйди.
Америкаликлар томонидан таклиф қилинган вариантлардан бири британиялик миллиардернинг 50% дан кўпроқ улушга эга бўлиши, иккита Глейзернинг умумий улуши 20% га яқин бўлиши эди. Рэтклифф вакиллари маълумотни ошкор қилмаслик тўғрисидаги битим имзоланганига асосланиб, изоҳ беришдан бош тортдилар. Бу жуда қизиқ схема бўлиб, Глейзерларга клуб устидан назоратни сақлаб қолишга имкон беради.
Учинчи вариант - фондларга мурожаат қилиш
Агар Глейзерларнинг сўраган 6 миллиард фунт йиғилмаса, улар клубда қолишга ва озчилик улушни Американинг Elliott Management фондига сотиш орқали қўшимча маблағ йиғишга қарор қилишлари мумкин. Глейзерлар ниҳоят «Олд Траффорд»ни тарк этишини йиллар давомида орзу қилган «МЮ» мухлисларига бу вариант мос келмаслиги даргумон. Улар Рэтклифф вариантини афзал кўришади.
