"МЮ" ёзда бир қанча йирик харидларни амалга ошириши мумкин. Хабарларга кўра, Эрик тен Хаг ҳужум учун жиддий юришлар қилади. У янги мавсум учун "ПСЖ"дан Неймарни, "Тоттенхэм"дан эса Харри Кейнни харид қилиши эҳтимолга яқин. Бунинг учун катта пул керак бўлади, албатта. Клуб ёзда таркибдан ташқари раҳбариятни ҳам ўзгартиради. Глейзерлар жамоани таг-туги билан Шайх Яссим Ҳамад ал-Тани эгалигидаги компанияга сотиши мумкин. Агар шундай бўлса, арабларга йирик харидларни қилиш муаммо бўлмайди. Шайх Яссим "қизил иблислар"ни аввалги мавқейига қайтариш учун ўз пулларини аямайди.
Бу ишни қатарлик миллиардер, Неймар харидидан бошлаши айтилган. Бразилиялик ҳужумчи "ПСЖ"ни тарк этишга яқин турибди. Бунга футболчининг жароҳатга мойиллиги, катта маоши ва клубнинг мақсадлари ўзгараётгани сабаб қилиб кўрсатилган. Бундай катта трансфер араблар қарамоғодаги "МЮ"ни кучсизлатириб қўймайди. Аксинча, манкунианликлар кейинги эътиборини Харри Кейн харидига қаратади. Англия терма жамоаси аъзоси ҳали ҳам "МЮ" рўйхатидан муқим ўринга эга бўлиб турибди. Агарда мана шу икки юқори калибри футболчилар "Манчестер Юнайтед"га ташриф буюрса, тен Хаг ихтиёрида катта юлдузли таркиб юзага келади.
Неймар жамоанинг ўнг қанот ҳужумидан жой олиши мумкин. Харри Кейннинг марказий ҳужумда бӯлиши, Маркус Рэшфордга ўзи севган чап қанотда ўйнаш имконини беради. Тузилажак ҳужумкор 4-3-3 тактик схемасида дарвозани Давид Де Хеа эгаллайди. Қанотларга Диегу Далот ва Люк Шоу жойлаштирилади. Марказий мудофаадан Рафаэль Варан ва Лисандро Мартинес ўрин эгаллайди. Ярим ҳимояда Каземиро-Эриксен-Фернандеш триоси ҳаракат қилади. Айтиш мумкинки, ўз даврининг илк трансферлар ойнасида шахй Яссим катта харажатдан қочмайди. Шу сабаб "Манчестер Юнайтед"да янада кўпроқ харидлар қилиш имконияти пайдо бўлади.
Қайд этилишича, "МЮ" дарвозага "Брентфорд" посбони Давид Райяни, ҳимояга эса "Байер Леверкузен"дан Жереми Фримпонгни сотиб олиши кўзда тутилган. Бунда Райя Де Хеани ўрнини эгаллайди. Испаниялик афсона ёзда эркин агентга айланиши кутилмоқда. Фримпонгга эса ўнг қанотдаги Диегу Далот позицияси тақдим этилади. Португалиялик футболчи ҳали клуб билан янги шартномага эриша олмади. Янги раҳбариятнинг клубга инъом қиладиган энг катта совғаси бу Жуд Беллингем бўлган бўларди. "Боруссия Дортмунд" футболчисига "қизил иблислар" узоқ даврлардан бери қизиқиш билдириб келаяпти. 19 ёшли ярим ҳимоячи "МЮ"да Каземиро ва Фернандеш билан ҳамкорликда ҳаракатланиши мумкин бўлади.
ИСМАТОВ Ж.
