Лионель Месси маошидан қатъи назар, "Барселона"га қайтишни истамоқда.

Tyc Sport журналисти Сезар Луис Мерлонинг фикрича, ҳужумчи келажак ҳақида хотиржам. Месси "Барселона"дан таклиф кутмоқда.

Бир неча кун олдин каталонияликлар Ла Лигага клубга молиявий фейр-плей талабларини қондириш имконини берувчи иқтисодий режани тақдим этишди. Агар лига буни рад этса, "Барселона" бошқа лойиҳа тайёрлайди.

Ла Лига "Барса"нинг режасини маъқуллагач, клуб Мессига расмий шартнома таклиф қилади. Лео буни дарҳол қабул қилади, чунки иш ҳақи миқдори унинг учун муҳим эмас. У шунчаки "Барселона"да яна ўйнашни хоҳлайди.

Агар Ла Лига "Барселона"нинг иқтисодий режасини маъқулламаса, Мессига "ПСЖ"дан шартномани узайтириш таклифи келади. Бундан ташқари, Саудия Арабистони клуби Леога аввалгидан ҳам каттароқ маош таклиф қилишга тайёр эканликларини, бироқ футболчи ҳозирча Европада қолишни исташини айтди.

35 ёшли футболчи жорий мавсум “ПСЖ” сафида барча турнирлар доирасида 36 та ўйинда майдонга тушиб, 20 та гол ва 19 та голли узатмани амалга оширди.