Lionel Messi maoshidan qat’i nazar, "Barselona"ga qaytishni istamoqda.
Tyc Sport jurnalisti Sezar Luis Merloning fikricha, hujumchi kelajak haqida xotirjam. Messi "Barselona"dan taklif kutmoqda.
Bir necha kun oldin kataloniyaliklar La Ligaga klubga moliyaviy feyr-pley talablarini qondirish imkonini beruvchi iqtisodiy rejani taqdim etishdi. Agar liga buni rad etsa, "Barselona" boshqa loyiha tayyorlaydi.
La Liga "Barsa"ning rejasini ma’qullagach, klub Messiga rasmiy shartnoma taklif qiladi. Leo buni darhol qabul qiladi, chunki ish haqi miqdori uning uchun muhim emas. U shunchaki "Barselona"da yana o‘ynashni xohlaydi.
Agar La Liga "Barselona"ning iqtisodiy rejasini ma’qullamasa, Messiga "PSJ"dan shartnomani uzaytirish taklifi keladi. Bundan tashqari, Saudiya Arabistoni klubi Leoga avvalgidan ham kattaroq maosh taklif qilishga tayyor ekanliklarini, biroq futbolchi hozircha Yevropada qolishni istashini aytdi.
35 yoshli futbolchi joriy mavsum “PSJ” safida barcha turnirlar doirasida 36 ta o‘yinda maydonga tushib, 20 ta gol va 19 ta golli uzatmani amalga oshirdi.
