Ёзда Фирмино ўзини дунёга танитган "Ливерпуль"ни албатта тарк этади. Кўп манбалар, жумладан Sport Sell, Бобби "Барселона"га ўтиши мумкинлигини айтмоқда.

"Блаугранас" афсонаси Ривальдо Фирмино "Барса"да қандай қийинчиликларга дуч келиши мумкинлигини тушунтирди:

"Сўнгги кунларда "Барселона" мавсум охирида "Ливерпуль"ни тарк этмоқчи бўлган Фирминони сотиб олиши мумкинлиги ҳақида миш-мишлар тарқалди. Бошқа буюк бразилиялик футболчилар изидан бориб, Фирмино "Барселона"да ўйнаш орзусини амалга оширишига ишонаман. Аммо, менимча, у аввало жамоадаги ўрни қандай бўлишини аниқлаши керак.

Хави доим битта марказий ҳужумчи билан ўйнайди, унда Роберт Левандовски бор. Фирминонинг келиши стратегиянинг ўзгаришини англатиши мумкин, аммо Фирмино майдонда атиги бир неча дақиқа оладиган захира ўйинчисига айланиши ҳам мумкин. Шунинг учун у қарори ҳақида кўпроқ бош қотириши керак, деб ўйлайман. Негаки, Фирминонинг "Ливерпуль"даги етакчи ролини йўқотгани унинг жамоани тарк этишида муҳим роль ўйнаган.

Шубҳасиз, "Барселона"да ўйнаш ушалиши мумкин бўлган орзу. Аммо фаолиятининг кейинги босқичида Фирмино бошқа клуб излашга мажбур бўлиши мумкин, бу унга мунтазам ўйнашига кўпроқ кафолат беради".

Месси ҳам бу ёзда "Барселона"га кўчиб ўтиши мумкин ва бу ҳужумда янада кўпроқ рақобат туғдиради. Гарчи, албатта, Левандовски барибир Боббининг стартдаги ўрин учун асосий рақобатчиси бўлиб қолади.