Шанба оқшомида «Барселона» «Реал Бетис» устидан йирик 4:0 ҳисобида ғалаба қозониб, ўз мухлисларини хурсанд қилди.

Каталонияликлар учун бу ўйин Испаниянинг жорий мавсумидаги 24-«қуруқ» учрашув бўлди.

«Барселона» ўз рекордини такрорлади - илгари 1986/1987 йилги мавсумда худди шу натижа қайд этилган. Бу ҳақда журналист Педро Мартин ижтимоий тармоқларда хабар берди.

Рекорд янгиланишига атиги битта ўйин қолган. Хави жамоасининг май-июнь ойидаги рақиблари «Осасуна», «Эспаньол», «Реал Сосьедад», «Вальядолид», «Мальорка» ва «Сельта» бўлади.