«Ювентус» ҳужумчиси Душан Влаховичга Лондоннинг «Арсенал» ва «Бавария» клубларидан таклифлар бор.

Сербиялик футболчининг ёзда «Ювентус»ни тарк этиш эҳтимоли юқори: турли манбалар бир неча бор хабар қилганидек, клуб уни сотишга умуман қарши эмас, чунки у молиявий аҳволини яхшилашни хоҳлайди.

Tuttomercatoweb хабарига кўра, 23 ёшли ҳужумчи аллақачон Лондоннинг «Арсенал» ва «Бавария» клубларига таклиф қилинган. Эҳтимолий трансфер нархи 70 миллион еврога баҳоланмоқда.

Душан Влахович жорий мавсумда «бьянконерилар» сафида 36 та ўйинда майдонга тушиб, 11 та гол урган ва 4 та голли узатмага муаллифлик қилган.