Франция терма жамоаси ва «ПСЖ»нинг собиқ футболчиси Жером Ротен Кристоф Галтье шогирдларини ёмон натижалари учун танқид қилди.

«Сўнгги етти учрашувда тўртта мағлубият! Чиптага шунча пул бериб, майдонда чиройли томоша кўрмаслик уят.

Биз «ПСЖ»нинг шахсиятини қайтаришимиз керак, индивидуал шахсиятни муҳокама қилмаслигимиз керак.

Акс ҳолда жамоа барчасини йўқотади. «ПСЖ» мухлислари аллақачон тўйиб қолган», деди Жером RMC нашрига.

Охирги ўйинда парижликлар ўз майдонида «Лорьян»дан 1:3 ҳисобида мағлуб бўлди. 33-турдан сўнг «ПСЖ» 75 очко жамғариб, Лига 1 турнир жадвалида пешқадамлик қилмоқда.