"Бавария" спорт директори Хасан Салихамиджич жамоа ҳимоячиси Бенжамин Паварднинг келажаги ҳақида гапирди.
"Биз Бенжамин билан янги шартномани муҳокама қиламиз, кўрамиз, у ўзини қандай ҳис қиляпти. У биз билан эканлигидан хурсандман, унинг учун ҳаммаси яхши бўлмоқда ва натижалар жуда яхши", - деди Салихамиджич.
Аввалроқ Павард клуб билан янги шартномасини муҳокама қилишга ҳали тайёр эмаслигини айтганди. 27 ёшли футболчининг шартномаси 2024 йилнинг июнида якунига етади. Футболчига "Барселона" ва "Интер" даъвогарлик қилмоқда.
Ҳимоячи жорий мавсумда Бундеслиганинг 26 та учрашувида майдонга тушиб, 4 та гол урди ва 1 та голли узатмани амалга оширди.
