Жанубий Корея ўсмирлар терма жамоаси бош мураббийи Чой Мун Сикнинг чорак финал баҳсидан кейинги ўтказилган матбуот анжуманида таъкидлашича, футболчиларнинг асабийлашиши туфайли жамоа пенальтилар сериясига кўра (3:5) Ўзбекистонга юқазиб қўйган.

Ўйиннинг асосий вақти 1:1 ҳисоби билан якунлангандан кейин, Ж.Корея терма жамоаси тўпурар футболчиси Хванг Чи Ханнинг дастлабки зарбасини дарвозабон Сарвар Икромов қайтаришга муваффақ бўлди. Қолган зарбалар эса мўлжалга аниқ борди.

"Бугунги баҳс давомида ўзимизда бўлмадик, барча футболчилар асабий ҳолатда бўлдилар ва улар концентрацияни йўқотишди", дейди Чой. "Бундан ташқари, аксарият футболчиларимиз мазкур стадион ҳолати ҳақида тасаввурга эга эмасдилар. Биз дастлабки 2та ўйинни "Пас" стадионида ўтказдик ва "Роҳи Оҳан" стадионида кечган Саудия Арабистонига қарши ўйинда асосий таркиб футболчиларимиз дам олишганди. Улар биринчи марта ушбу майсага қадам қўйдилар".

"Биз ўйинга яхши тайёргарлик кўргандик, лекин ўйиннинг бошиданоқ йигитлар асабийлаша бошлашди ва пенальтилар сериясида ҳам ўз асабларини жиловлай олишмади", дейди мураббий Чой Мун Сик.