Испания Ла Лигасининг 33-туридан ўрин олган қатор учрашувлар 2 май, сешанба куни ўтказилди.

Марказий ўйин “Реал Сосьедад” ва “Реал Мадрид” жамоалари ўртасида кечди. Мазкур баҳсда "Қироллик клуби" усотзи Модрич, Бензема ва Винисиуснинг хизматларидан фойдаланмади.

Учрашувнинг биринчи бўлимида дарвозалар дахлсиз қолди. Иккинчи бўлимнинг иккинчи дақиқасида Мадрид жамоасига тегишли бўлган ва айни вақтда Сан-Себастьян клубида ижарада ўйнаётган Такефуса Кубо ҳисобни очди.

“Реал” вакиллари 61-дақиқада Дани Карвахалнинг четлатилишидан кейин майдонда камчилик қолди. 85-дақиқада Андер Барренечеа мезбонларнинг ғалабасини мустаҳкамлади.

Шу тариқа “Барселона” ва “Реал” жамоалари ўртасидаги фарқ 14 очкога етди. Каталонлар кейинги ўйинларда 2 очко тўпласа, чемпионликни нақд қилади. "Атлетико" бугун "Кадис"ни мағлуб этса, ўз очколарини 69 тага етказиб, жадвалда 2-ўринга кўтарилиб олади.

Испания чемпионати, 33-тур
“Реал Сосьедад” – “Реал Мадрид” 2:0
Голлар: 1:0 – 47 Кубо, 2:0 – 85 Барренечеа.
“Реал Сосьедад”: Ремиро, Горосабел (Элустондо, 63), Ле Норман, Субелдия (Пачеко, 64), Муньос, Кубо (Барренечеа, 74), Сильва (Ильярраменди, 89), Мерино, Субименди, Сёрлот (Фернандес, 74), Ойарсабаль.
“Реал Мадрид”: Куртуа, Карвахаль, Рюдигер, Милитао, Начо, Кроос (Васкес, 63), Себальос, Тчуамени, Асенсио (Аррибас, 82), Родриго, Мариано Диас (Родригес, 59).
Огоҳлантиришлар: Горосабел (22), Карвахаль (53), Себальос (79), Начо (87), Родриго (90).
Четлатиш: Карвахаль (61).