Ispaniya La Ligasining 33-turidan o‘rin olgan qator uchrashuvlar 2 may, seshanba kuni o‘tkazildi.

Markaziy o‘yin “Real Sosyedad” va “Real Madrid” jamoalari o‘rtasida kechdi. Mazkur bahsda "Qirollik klubi" usotzi Modrich, Benzema va Vinisiusning xizmatlaridan foydalanmadi.

Uchrashuvning birinchi bo‘limida darvozalar daxlsiz qoldi. Ikkinchi bo‘limning ikkinchi daqiqasida Madrid jamoasiga tegishli bo‘lgan va ayni vaqtda San-Sebastyan klubida ijarada o‘ynayotgan Takefusa Kubo hisobni ochdi.

“Real” vakillari 61-daqiqada Dani Karvaxalning chetlatilishidan keyin maydonda kamchilik qoldi. 85-daqiqada Ander Barrenechea mezbonlarning g‘alabasini mustahkamladi.

Shu tariqa “Barselona” va “Real” jamoalari o‘rtasidagi farq 14 ochkoga yetdi. Katalonlar keyingi o‘yinlarda 2 ochko to‘plasa, chempionlikni naqd qiladi. "Atletiko" bugun "Kadis"ni mag‘lub etsa, o‘z ochkolarini 69 taga yetkazib, jadvalda 2-o‘ringa ko‘tarilib oladi.

Ispaniya chempionati, 33-tur
“Real Sosyedad” – “Real Madrid” 2:0
Gollar: 1:0 – 47 Kubo, 2:0 – 85 Barrenechea.
“Real Sosyedad”: Remiro, Gorosabel (Elustondo, 63), Le Norman, Subeldiya (Pacheko, 64), Munyos, Kubo (Barrenechea, 74), Silva (Ilyarramendi, 89), Merino, Subimendi, Syorlot (Fernandes, 74), Oyarsabal.
“Real Madrid”: Kurtua, Karvaxal, Ryudiger, Militao, Nacho, Kroos (Vaskes, 63), Sebalyos, Tchuameni, Asensio (Arribas, 82), Rodrigo, Mariano Dias (Rodriges, 59).
Ogohlantirishlar: Gorosabel (22), Karvaxal (53), Sebalyos (79), Nacho (87), Rodrigo (90).
Chetlatish: Karvaxal (61).