"ПСЖ"нинг собиқ ярим ҳимоячиси Жером Ротен Лионель Мессини "Лорьян"га қарши (1:3) ҳалокатли ўйиндан кейин Саудия Арабистонига борганини танқид қилди.

"Бу унинг бефарқлигидан далолат беради. Мессининг "ПСЖ"га ўтиши омадсиз эди. Унинг виждони йўқ. У нопрофессионал ҳаракат қилмоқда. "Лорьян"га қарши ўйиннинг Месси фойдаси йўқ эди. "ПСЖ" умуман мағлублар жамоасига ўхшарди. Клуб қийналяпти, Лео эса бундан ҳам баттар азобда. Ҳаммаси жуда узоққа кетди", - деди Ротен RMC Sport нашрига.

Франция чемпионатининг жорий мавсумида Месси 28 та ўйин ўтказиб, 15 та гол урди ва 15 та голли узатмани амалга оширди. Унинг шартномаси июнь ойи охирида тугайди.