Лионель Месси "ПСЖ"нинг Европадаги рақобатбардошлигига ишонмайди.
Журналист Гилем Балагуе хабарига кўра, ҳужумчи шартномасини узайтирмайди ва жорий мавсум якунида жамоани тарк этади.
Аргентиналик футболчи молиявий қийинчиликлар туфайли "ПСЖ" Европа футболи етакчилари билан рақобатлаша олишига ишонмаяпти. Мессининг фикрича, келаси мавсумда “ПСЖ”нинг имкониятлари молиявий фейр-плей қоидалари туфайли чекланган бўлиб, бу таркиб сифатига таъсир қилади.
Шу билан бирга, "ПСЖ" асосий эътиборни ёш истедодларни ривожлантиришга қаратмоқчи. Қолаверса, клуб хўжайинлари Месси клубнинг шартномани узайтириш таклифига жавоб бермаганидан норози.
