"ПСЖ" қанот ҳужумчиси Неймарни ёзги трансфер ойнасида қўйиб юборишга тайёр, деб хабар бермоқда Football Daily.
Клуб 31 ёшли бразилиялик футболчи бўйича тушадиган таклифларни тинглайди.
Кеча, 3 май куни "ПСЖ" мухлислари норозилик намойиши уюштириб, Неймарни жамоадан кетишини талаб қилди.
Шунингдек, "ПСЖ" энди векторни ўзгартираётгани ҳақида ҳам маълумот бор эди. Парижликлар таркибда кийиниш хонасидаги муҳитга салбий таъсир кўрсатадиган юлдуз футболчиларнинг бўлишини исташмаяпти ва франциялик ёш футболчиларга таянади.
Неймар 2017 йилнинг ёзида "Барселона"дан 222 миллион евро эвазига жамоага ўтган эди. Жароҳати туфайли бу мавсум охиригача майдонга тушмайди.
