Испаниялик ҳужумчи Браим Диас "Милан"да қолишни истамоқда, "Реал Мадрид" билан тегишли музокаралар аллақачон бошланган. Футболчи ҳозирда Милан клубида ижара асосида ўйнаяпти. "Милан" ва "Реал Мадрид" ўртасида футболчини қайта сотиб олиш мажбуриятлари бўйича аниқ ёзма келишув йўқ, шунинг учун ҳам савдолар давом этмоқда - "Милан" унинг учун 22 миллион евро таклиф қилмоқда, "Реал" 27 миллион олмоқчи.
Шу билан бирга, Мадрид клубига у ҳозирча керак эмас, Диас буни тушунади ва шунинг учун ҳозирги жамоаси билан қолишни афзал кўради, чунки "россонерилар" сафида у асосий таркиб футболчиси.
