Ispaniyalik hujumchi Braim Dias "Milan"da qolishni istamoqda, "Real Madrid" bilan tegishli muzokaralar allaqachon boshlangan. Futbolchi hozirda Milan klubida ijara asosida o‘ynayapti. "Milan" va "Real Madrid" o‘rtasida futbolchini qayta sotib olish majburiyatlari bo‘yicha aniq yozma kelishuv yo‘q, shuning uchun ham savdolar davom etmoqda - "Milan" uning uchun 22 million yevro taklif qilmoqda, "Real" 27 million olmoqchi.
Shu bilan birga, Madrid klubiga u hozircha kerak emas, Dias buni tushunadi va shuning uchun hozirgi jamoasi bilan qolishni afzal ko‘radi, chunki "rossonerilar" safida u asosiy tarkib futbolchisi.
