Лондоннинг "Челси" клуби собиқ дарвозабони Петр Чех Лондон клубининг сўнгги натижалари ҳақида фикр билдирди. Эслатиб ўтамиз, Фрэнк Лэмпард бош мураббийликка қайтганидан бери "Челси" барча мусобақаларда кетма-кет 6 марта мағлубият аламини тотиб кўрди ва бу учрашувларда атиги иккита гол урди.

"Челси"ни Премьер-лигада 12-ўринда кўриш жуда ачинарли. Ваҳоланки, жамоада фаолияти давомида қийин дамларни бошдан кечирган тажрибали футболчилар кўп. Умид қиламанки, Фрэнк Лэмпард футболчилар билан тил топишиб, бўлажак ўйинлар учун ечим топа олади. Баъзида сизни тўғри йўлга киритиш учун битта ғалаба кифоя қилади" - дея Чехнинг сўзларини келтиради Football Daily.