Londonning "Chelsi" klubi sobiq darvozaboni Petr Chex London klubining so‘nggi natijalari haqida fikr bildirdi. Eslatib o‘tamiz, Frenk Lempard bosh murabbiylikka qaytganidan beri "Chelsi" barcha musobaqalarda ketma-ket 6 marta mag‘lubiyat alamini totib ko‘rdi va bu uchrashuvlarda atigi ikkita gol urdi.
"Chelsi"ni Premyer-ligada 12-o‘rinda ko‘rish juda achinarli. Vaholanki, jamoada faoliyati davomida qiyin damlarni boshdan kechirgan tajribali futbolchilar ko‘p. Umid qilamanki, Frenk Lempard futbolchilar bilan til topishib, bo‘lajak o‘yinlar uchun yechim topa oladi. Ba’zida sizni to‘g‘ri yo‘lga kiritish uchun bitta g‘alaba kifoya qiladi" - deya Chexning so‘zlarini keltiradi Football Daily.
