"Манчестер Юнайтед" "Интер"га Лаутаро Мартинес эвазига катта миқдорда товон пули ҳамда Энтони Марсьялни таклиф қилмоқчи.
Манбага кўра, манкунианликлар итальян клубига айирбошлашдан ташқари 50 миллион эвро қўшимча тўлов таклиф қилишга тайёр. Бироқ миланликлар каттароқ пул талаб қилиши ва қўшимча тўловлар эвазига Марсьялдан воз кечиши мумкин.
25 ёшли Мартинес жорий мавсум “Интер” сафида 48 та ўйинда майдонга тушиб, 23 та гол урди ва 9 та голли узатмани амалга оширди. Аргентиналик футболчининг шартномаси 2026 йилнинг ёзига қадар амал қилади. Transfermarkt портали унинг нархини 80 миллион еврога баҳоламоқда.
