«Бавария» бош мураббийи Томас Тухель жамоа машғулотларидан норози бўлди ва бир неча бор футболчиларнинг хатоларини кўрсатганидан сўнг, пластик стендни олиб, тиззаси билан синдириб ташлади.
Bild нашрининг ёзишича, Тухелнинг иши футболчиларга нисбатан жаҳл билан боғлиқ эмас. «Бавария» бош мураббийи ўз ёрдамчилари Арно Михелс ва Жолт Левга клубдаги вазиятни ўзгартириш кераклигини шу тарзда кўрсатишга ҳаракат қилди.
Барча мусобақалардаги сўнгги бешта ўйинда «Бавария» фақат битта ғалабага эришди. Бундеслига турнир жадвалида чемпионат тугашига 4 тур қолганда мюнхенликлар Дортмунднинг «Боруссия»сидан бир очкога олдинда бормоқда.
