«Bavariya» bosh murabbiyi Tomas Tuxel jamoa mashg‘ulotlaridan norozi bo‘ldi va bir necha bor futbolchilarning xatolarini ko‘rsatganidan so‘ng, plastik stendni olib, tizzasi bilan sindirib tashladi.
Bild nashrining yozishicha, Tuxelning ishi futbolchilarga nisbatan jahl bilan bog‘liq emas. «Bavariya» bosh murabbiyi o‘z yordamchilari Arno Mixels va Jolt Levga klubdagi vaziyatni o‘zgartirish kerakligini shu tarzda ko‘rsatishga harakat qildi.
Barcha musobaqalardagi so‘nggi beshta o‘yinda «Bavariya» faqat bitta g‘alabaga erishdi. Bundesliga turnir jadvalida chempionat tugashiga 4 tur qolganda myunxenliklar Dortmundning «Borussiya»sidan bir ochkoga oldinda bormoqda.
