"Рома" ҳужумчиси Стефан Эль-Шаарави жорий мавсум охиригача жамоасига ёрдам бермаслиги мумкин. Гап италияликнинг кеча А Сериянинг 33-тури доирасидаги "Монца"га қарши ўйинда (1:1) олган жароҳатида. У оқсоқланиб майдонни тарк этди ва алмаштирилди.
Football Italia хабарига кўра, ҳужумкор футболчи ўнг сонидаги мушакни жароҳатлаган. Ва бундай жароҳатлар даволаниши учун бир неча ҳафта керак. Шу боис, Эль-Шаарави энди А Сериянинг қолган ўйинлари ва Европа Лигаси ярим финалида "Байер"га қарши ўйинларда "Рома"га ёрдам бера олмаслиги эҳтимоли катта.
Жорий мавсумда футболчи барча расмий турнирларда еттита гол урди ва иккита голли узатмани амалга оширди.
