"Барселона"нинг бир қанча футболчилари раҳбарият уларни сотиш истагида бўлишига қарамай, Каталония клубини тарк этишдан бош тортмоқда.
Marca хабарига кўра, бу футболчилар ҳимоячи Эрик Гарсия, ярим ҳимоячи Франк Кессиэга ҳамда ҳужумчилар Ансу Фати ва Ферран Торресдир. Олдинроқ, "кўк-анорранглилар" тарбияланувчиси Ансу Фати "Камп Ноу"да ўз имкониятларини рўёбга чиқариш истагида экани, Торрес эса Англиянинг "Арсенал" ва "Астон Вилла" клублари манфаати доирасида эканлиги ҳақида маълумотлар пайдо бўлганди.
Эслатиб ўтамиз, "Барселона" Ла Лига турнир жадвалида ишончли тарзда пешқадамлик қилмоқда ва бу мавсум якунланишига 5 тур қолганда иккинчи ўриндаги "Атлетико"ни 13 очкога ортда қолдирмоқда.
