"Наполи"нинг ҳужумкор ярим ҳимоячиси Хвича Кварацхелия жамоанинг жорий мавсумда А Сериядаги чемпионлиги ҳақида гапирди. Неаполликлар 33 йил ичида биринчи марта Скудеттони қўлга киритишди.
"Агар сиз орзу қилсангиз, буни амалга оширасиз. Орзулар ушалади. Яшасин, Наполи! Биз Италия чемпионимиз", - деб пост қолдирди грузиялик футболчи ижтимоий тармоқларида.
Кварацхелия ўтган ёзда "Наполи" сафига қўшилганди. Ярим ҳимоячи жорий мавсум Италияда 38 ўйинда майдонга тушиб, 14 гол ва 16 голга ассистентлик қилган. Хвичанинг шартномаси 2027 йилнинг ўрталарига қадар мўлжалланган.
