Каталониянинг “Барселона” клуби Англиянинг “Астон Вилла” клубида иш бошлайдиган спорт директори Матеу Алеманининг ўрнига бошқа номзод топди.
Испаниянинг Sport нашри хабарига кўра, "кўк-анорранглилар" "Порту" спорт директори Витор Байяга кўз тикишмоқда.
Португалиялик мутахассис аввал “Барселона”да футболчи сифатида ўйнаган. 1996-1999-йилларда Витор “кўк-анорранглилар” дарвозабони бўлган ва жамоа билан ички майдонда 5 та совринни қўлга киритишга муваффақ бўлган.
Манбага кўра, Байя "Порту"ни молиявий жиҳатдан барқарор жамоага айлантирган ва бу айни дамда "Барселона" раҳбариятини ҳайратга солмоқда. Спорт директори лавозимига яна бир номзод Деку бўлиб, у ҳам "Барселона"да, ҳам "Порту"да футболчи сифатида ўйнашга муваффақ бўлган.
