Мюнхеннинг "Бавария" клубида ўйнаётган ҳужумчи Садио Мане ёзги трансфер ойнасида клубини ўзгартиришга яқин турибди.
Журналист Николо Скиранинг хабар беришича, сенегаллик 31 ёшли ҳужумчи хизматларига Англия Премьер-лигасининг икки клуби қизиқиш билдирмоқда. Аввалроқ ОАВда Лондоннинг "Челси" клуби Мане билан шартнома имзоламоқчи экани ҳақида хабарлар тарқалган эди.
Садио ўтган ёзда "Ливерпул"дан "Бавария"га ўтганди, унинг шартномаси 2025 йилнинг ўрталарига қадар тузилган. Сенегаллик футболчи жорий мавсумда барча турнирларда 35 та ўйинда майдонга тушиб, 12 та гол урган ва 5 та голли узатмага муаллифлик қилган.
