«Наполи» бош мураббийи Лучано Спалетти жамоанинг чемпионликни қўлга киритгани ҳақида фикр билдирди.
«Чемпион бўлишнинг учта қоидаси бор: эҳтиросли шаҳар, фантастик футболчилар ва кучли тақдир! Раҳмат болалар, раҳмат Неапол!», – дея Спалетти ижтимоий тармоқларда ёзган.
«Наполи» мавсум якунланишига беш тур қолганда, 33-тур учрашувида «Удинезе» билан ўз майдонида дуранг ўйнаб (1:1) муддатидан олдин Италия чемпионига айланди.
Спалетти шогирдлари 33 турда 80 очко жамғарди. «Наполи» энг яқин таъқибчиси «Лацио»дан 16 очко олдинда.
