"Челси" мавсум охирида "Интер" ҳужумчиси Лаутаро Мартинесни сотиб олмоқчи.

Манбага кўра, Маурисио Почеттино "кўклар"ни бошқаради ва раҳбарият билан аргентиналик футболчини қўлга киритиш имкониятини аллақачон муҳокама қилган. "Интер" молиявий сабабларга кўра футболчи сотишга муҳтож ва Мартинес билан 70 миллион фунт стерлингга (79,8 миллион евро) хайрлашишга тайёр.

Олдинроқ "МЮ" Мартинес эвазига "Интер"га 50 миллион евро ва Марсьяль таклиф қилиши ҳақида хабар берилганди.

25 ёшли ҳужумчи жорий мавсумда клуб сафида барча турнирлар доирасида 48 та ўйинда майдонга тушиб, 23 та гол урди ва 9 та голли узатмани амалга оширди. Аргентиналик футболчининг шартномаси 2026 йилнинг ёзига қадар амал қилади.