Мадриднинг “Реал” клуби ярим ҳимоячиси Лука Модрич Саудия Арабистонидан таклиф олди, деб хабар беради Relevo.
Манба берган хабарга кўра, Саудия клуби 37 ёшли спортчига мавсумига 40 миллион евро атрофида маош билан шартнома таклиф қилган, бироқ хорват ундан "Реал"га босим ўтказиш учун фойдаланмаган. У ўз клубини ҳурмат қилади ва "Реал"да қолишни истайди.
Модричнинг испан клуби билан шартномаси жорий мавсум охиригача амал қилади.
Жорий мавсумда ярим ҳимоячи Испания чемпионатида 28 та ўйин ўтказиб, 4 та гол ва 3 та голли узатмага муаллифлик қилган. У 2012 йилдан бери "Реал"да ўйнамоқда.
