Telegraph хабарига кўра, "Челси" ёзда "Интер" дарвозабони Андре Онанани қўлга киритиш учун курашда етакчилик қилмоқда.
Манбага кўра, сенегаллик футболчи ўз ўрнини Кепа Аррисабалагага бой берганидан кейин "кўклар" дарвозабон Эдуар Мендини сотиб юбормоқчи. Онана Лондон клубига 40 миллион фунтга тушади ва "Челси" уни ўз сафига қўшиб олиш учун жуда яхши ҳолатда.
27 ёшли Онана 2022 йилнинг ёзидан буён “Интер” сафида тўп сурмоқда. Унинг амалдаги шартномаси 2027 йилнинг июнигача мўлжалланган.
Бу мавсумда камерунлик футболчи барча мусобақаларда 35 та ўйинда, 30 та гол ўтказиб юборди. Шунингдек, 16 учрашувда бирорта ҳам гол ўтказиб юбормаган.
