"Барселона" ҳимоячиси Сержиньо Дест келаси мавсум Бундеслигада ўйнайди. Todofichajes журналистларига маълум бўлишича, футболчининг хизматларига "Унион Берлин" қизиқмоқда.
Манба берган хабарга кўра, томонлар музокара ўтказган ва футболчини кейинги мавсумда ижарага олишга келишиб олган. Шартнома тугагач, немис клуби Дестнинг 8-9 миллион еврога тўлиқ трансферини ташкил қилиши мумкин бўлади.
Жорий мавсумда 22 ёшли америкалик футболчи "Милан"да ижара асосида ўйнамоқда. Дест Италия чемпионатининг саккизта учрашувида қатнашиб, самарали ҳаракатлари билан ажралиб тура олмади.
