Мадриднинг “Реал” клуби Франкфуртнинг “Айнтрахт” клуби ҳужумчиси Рандал Коло-Муанини сотиб олмоқчи.
Журналист Маттео Моретто берган маълумотларга кўра, бир кун аввал "қироллик клуби" раҳбарияти футболчининг нархи борасида "бургутлар"га мурожаат қилган.
Манбанинг таъкидлашича, "Айнтрахт" ёзда Коло-Муанини 80 миллион евро эвазига қўйиб юборишга тайёр. Айни пайтда ҳужумчига “Бавария” ва “Манчестер Юнайтед” каби давогарлар ҳам бор.
Коло-Муани жорий мавсум Бундеслигада 13 та гол урди ва 10 та голли узатмани амалга оширди. Франциялик футболчи ўтган ёзда “Нант”дан кўчиб ўтганидан сўнг “Айнтрахт” сафида дебют мавсумини ўтказмоқда.
