Лерой Сане билан жанжалдан кейин "Бавария"ни тарк этишга яқин турган ҳужумчи Садио Мане фаолиятини бошқа чемпионатда давом эттиришни устувор мақсад деб билади. Журналистларга маълум бўлишича, сенегаллик футболчи Испания чемпионатига ўтмоқчи.
31 ёшли футболчига Ла Лиганинг икки топ-клуби қизиқиш билдирмоқда. Гап "Барселона" ва Мадриднинг "Атлетико" жамоалари ҳақида кетмоқда. Маненинг трансфер нархи 45 миллион евро.
Ҳужумчи ўтган ёзда "Бавария" сафига қўшилганди. Мюнхенликлар Садиони "Ливерпул"дан 32 миллион еврога сотиб олганди.
Мане жорий мавсум Бундеслигада 22 та ўйинда майдонга тушиб, 7 та гол урди ва 4 та голли узатмани амалга оширди.
