"Тоттенхэм" клуби "Барселона" ярим ҳимоячиси Франк Кессьэга кўз тикмоқда.
Sport нашри хабарига кўра, "шпорлар" "кўк-анорранглилар" билан боғланиб, ивуарлик футболчининг бўлажак трансфер ойнасидаги нархи ҳақида сўрашди.
Манбанинг таъкидлашича, "Барселона" ярим ҳимоячи билан 25 миллион евро эвазига хайрлашишга тайёр. Шу тариқа "Барселона" бошқа трансферлар учун пул йиғмоқчи.
Эслатиб ўтамиз, Кессьэ "Барселона"да биринчи мавсумни ўтказмоқда, чунки футболчи ўтган ёзда "Милан"дан эркин агент сифатида жамоага ўтган эди. Айни пайтда ивуарлик футболчига "Интер" ҳам қизиқиш билдирмоқда.
