Таянч ярим ҳимоячи Марко Верратти жорий мавсум охирида "ПСЖ"ни тарк этиши мумкин. Бу ҳақда Lequipe нашри хабар бермоқда.
Манбага кўра, 30 ёшли футболчида фаолиятини МЛС ва Саудия Арабистонида давом эттириш имкониятлари бор. Ярим ҳимоячига АҚШда "Интер Майами" қизиқиш билдирмоқда. Ярим ҳимоячининг ўзи ҳали фаолиятини қаерда давом эттиришини ҳал қилмаган.
Верратти 2012 йилнинг ёзидан бери Париж грандида ўйнаб келмоқда. Томонлар ўртасидаги шартнома муддати 2026 йил июнь ойи охирида тугайди. Италиялик футболчининг трансфер нархи 50 миллион еврога баҳоланмоқда.