"Арсенал" бош мураббийи Микель Артета АПЛнинг 35-тури доирасидаги "Ньюкасл" устидан қозонилган ғалаба (2:0) ҳақида фикр билдирди.
“Мен ўйинчиларнинг ўйинга қандай муносабатда бўлгани ва кўп нарсаларни жуда яхши бажарадиган жамоа билан фахрланаман. Биз бугун жуда яхши ҳаракат қилдик. Футболчилар ўсишда давом этишлари керак. Биз буни 10 ойдан бери қиляпмиз ва ҳар куни давом этишимиз керак. Талаблар ниҳоятда юқори, буни биламиз. Олдинда учта ўйин бор ва ҳали ҳам чемпионлик учун курашишимиз мумкин", - деди Артета.
