Германия чемпионатининг ўттиз биринчи турида Дортмунднинг «Боруссия» клуби жорий мавсумдаги энг йирик ғалабасини қўлга киритди, «Вольфсбург» дарвозасига жавобсиз олтита гол урилди.
Клуб фахрийси Матс Хуммельс дортмундликлар билан 200-ғалабага эришди. «Боруссия»нинг бутун тарихида Германия чемпионатида фақат бир футболчи бундан кўпроқ ғалабага эришган - Михаэль Цорк, 206 та ғалаба.
Германия чемпионати тугашига 3 тур қолганида «Боруссия» «Бавария»дан бир очко ортда қолмоқда, жамоалар чемпионлик учун курашмоқда.
