Туриннинг «Ювентус» клуби бош мураббийи Массимилиано Аллегри Италия чемпионати доирасидаги «Аталанта» устидан қозонилган ғалаба ҳақида ўз фикрлари билан ўртоқлашди.
«Кекса синёра» 2:0 ҳисобида ғалаба қозонди.
«Бергамода ўйнаш осон эмас, лекин биз ғалаба қозонишга ҳақли эдик. Бу ўйинда Поль янада яхши ҳаракат қилди.
У кўпроқ ўйин вақтини олиши мумкин ва ўсишда давом этмоқда», - деди Аллегри.
Италия чемпионатининг 34-туридан сўнг «Ювентус» 66 очко жамғариб, турнир жадвалида иккинчи ўринда бормоқда.
А Сериянинг навбатдаги ўйинида Аллегри шогирдлари ўз майдонида «Кремонезе» билан тўқнаш келишади.