"ПСЖ" ярим ҳимоячиси Витинья Франция чемпионатининг 34-тури доирасидаги "Труа" устидан қозонилган ғалаба (3:1) ҳақида фикр билдирди. Бу учрашувда португалиялик футболчи жамоасининг иккинчи голини киритди.
Витиньянинг сўзларига кўра, бу ғалаба "ПСЖ" учун жуда муҳим, чунки у жамоани чемпионлик сари яқинлаштирди.
"Бундай учрашувлар қийин кечишини билардик, биз яхши ташкил этилган жамоага қарши ўйнадик. Лекин биз гол урдик, вазиятлар яратдик ва энг муҳими ғалаба қозондик. Чемпион бўлиш учун ғалаба қозонишимиз керак эди. Чемпионлик ҳали қўлга киритилмаган. Энди бор эътиборни кейинги ўйинга қаратайлик", - деди Витинья L'Equipe билан суҳбатда.
Франция чемпионатининг 34-туридан сўнг "ПСЖ" энг яқин таъқибчиси "Ланс"ни олти очкога ортда қолдириб, ишончли тарзда пешқадамлик қилмоқда. Турнир якунига қадар тўртта учрашув бор.
