"ПСЖ" ёзда ўз таркибини кучайтириш устида ишламоқда. Француз грандининг мақсади – “Манчестер Сити”дан ярим ҳимоячи Бернарду Силванинг трансфери.

Le10Sport хабарига кўра, Бернардунинг трансферини "ПСЖ" футбол маслаҳатчиси Луиш Кампуш ва жамоа етакчиси Килиан Мбаппе қўллаб-қувватламоқда. Қайд этилишича, Мбаппе ҳақиқатан ҳам Силва билан яна бир жамоада ўйнашни хоҳлайди - улар аввалроқ "Монако" шарафини ҳимоя қилишган.

Бир неча ой олдин Бернардо Силва ўзини янги лойиҳада синаб кўриш истаги борлигини тан олди. "ПСЖ"га ўтиш варианти 28 ёшли португалияликни ўзига тортмоқда.

Transfermarkt портали экспертлари Бернарду Силвани 80 миллион еврога баҳоламоқда.