"ПСЖ" ҳужумчиси Лионель Месси Саудия Арабистонидан рекорд даражадаги таклиф олди, деб хабар беради L'Equipe.

Нашрнинг ёзишича, айни дамда Саудия Арабистонидан келган таклиф аргентиналикка тушган ягона таклифдир. Таклиф этилаётган шартнома икки мавсумга мўлжалланган бўлиб, футболчи 600 миллион еврогача маош олиши мумкин.

Хабар қилинишича, трансфер унинг Саудия Арабистонига режадан ташқари сафари вақтида ҳам муҳокама қилинган.

Аргентиналик футболчининг ўзи учун Европадан ҳар қандай таклифлар устувор, чунки у 2024 йилги Америка Кубогигача энг юқори савияда ўйнашни хоҳлайди.

"Барселона"га қайтиш потенциал вариант, аммо молиявий вазият туфайли бу ҳаракат "кўк-анорранглилар" учун жуда муаммоли.