"PSJ" hujumchisi Lionel Messi Saudiya Arabistonidan rekord darajadagi taklif oldi, deb xabar beradi L'Equipe.

Nashrning yozishicha, ayni damda Saudiya Arabistonidan kelgan taklif argentinalikka tushgan yagona taklifdir. Taklif etilayotgan shartnoma ikki mavsumga mo‘ljallangan bo‘lib, futbolchi 600 million yevrogacha maosh olishi mumkin.

Xabar qilinishicha, transfer uning Saudiya Arabistoniga rejadan tashqari safari vaqtida ham muhokama qilingan.

Argentinalik futbolchining o‘zi uchun Yevropadan har qanday takliflar ustuvor, chunki u 2024 yilgi Amerika Kubogigacha eng yuqori saviyada o‘ynashni xohlaydi.

"Barselona"ga qaytish potensial variant, ammo moliyaviy vaziyat tufayli bu harakat "ko‘k-anorranglilar" uchun juda muammoli.