"Манчестер Сити" ярим ҳимоячиси Родри "Реал"га қарши эртага бўлиб ўтадиган Чемпионлар лигаси ярим финал дастлабки ўйини ҳақида фикр билдирди.

"Футбол қасос олиш имкониятини беради ("Манчестер Сити" сўнгги Чемпионлар лигасининг ярим финалида "Реал"дан учралган мағлубият эвазига турнирни тарк этганди - муаллиф). Ҳар доим ўтмишдаги тажрибадан ўрганиш мумкин. Биз янги мотивация билан курашиш учун яна шу ердамиз. Бу йил яхши ишлаяпмиз.

Холанд биз учун жуда муҳим футболчи. Биз унинг гол уриш қобилиятига ҳеч қачон шубҳа қилмаганмиз. У жамоага яхши мос тушади. Жамоа сифатида биз ҳозир энг яхши дақиқаларни бошдан кечирмоқдамиз.

Эрлинг жуда оддий йигит. У 22 ёшда, ҳали ёш. Мен ўзимни ҳали ҳам ёш деб ҳисоблайман (Родри 26 ёшда - муаллиф), унда у ҳақида нима дейишим мумкин. У шунчалик камтарки, у тинглашни, ўрганишни ва яхшилашни хоҳлайди", - деди Родри.