"Manchester Siti" yarim himoyachisi Rodri "Real"ga qarshi ertaga bo‘lib o‘tadigan Chempionlar ligasi yarim final dastlabki o‘yini haqida fikr bildirdi.
"Futbol qasos olish imkoniyatini beradi ("Manchester Siti" so‘nggi Chempionlar ligasining yarim finalida "Real"dan uchralgan mag‘lubiyat evaziga turnirni tark etgandi - muallif). Har doim o‘tmishdagi tajribadan o‘rganish mumkin. Biz yangi motivasiya bilan kurashish uchun yana shu yerdamiz. Bu yil yaxshi ishlayapmiz.
Xoland biz uchun juda muhim futbolchi. Biz uning gol urish qobiliyatiga hech qachon shubha qilmaganmiz. U jamoaga yaxshi mos tushadi. Jamoa sifatida biz hozir eng yaxshi daqiqalarni boshdan kechirmoqdamiz.
Erling juda oddiy yigit. U 22 yoshda, hali yosh. Men o‘zimni hali ham yosh deb hisoblayman (Rodri 26 yoshda - muallif), unda u haqida nima deyishim mumkin. U shunchalik kamtarki, u tinglashni, o‘rganishni va yaxshilashni xohlaydi", - dedi Rodri.
